பகல் முழுவதும்
பாத யாத்திரை போய் வந்த
வாகனங்கள் குறைந்து
அமைதியாகக் கிடக்கும் சாலை
சரித்திரமாகி விட்ட
பணக்கார வீட்டுப் பிறந்த நாள் விழா.
சம்பவமாகி தெரியும்
ஏழை வீட்டுக் குழந்தையின் நோய்.
அரங்கேற்றம் முடித்து வந்த
நர்த்தன தாரகையின் அழகு.
புது வீடு வாங்கிக் குடித்தனம்
வந்த புது மணத் தம்பதிகள்.
பக்கத்து வீட்டில் புதிதாய்
முளைத்த இளம் வக்கீல்.
நாளை கார் ஓட்டப்பந்தயத்தில்
ஓடவிருக்கும் வீரன்...
இன்னும் எத்தனையோ....
இவை பற்றிக் கவலைப்படாத
என் கண்கள் பனித்தன
பல்கனியில் இருந்த மறைவில்
இருந்த அந்த மாடப் புறாவின்
முட்டை உடைந்தது கண்டு.
என் கண்கள் பனித்தன...
இது யார் செய்த பாவமோ ?