பேசிக்கொண்ட வார்த்தைகளின் எதிரொலி..
--------------------------------------------

உன்னருகாமையை
அதிகமாகவே நேசிக்கிறேன்
நான் அழகாக
இருக்கும்போது
எம் தொலைதூரம்
வயதையும் இடைவெளியையும்
அதிகரிப்பதில் வெற்றி கொள்கிறது
நாம் பேசிக்கொண்டபோது
பகிர்ந்துகொண்ட காதலும்
இடம்மாறிய வார்த்தைகளும்
வாங்கிக்கொண்ட
முத்தங்களும்
இன்று
நடுவளியில் தவிக்கிறது
மீண்டும் சந்திப்போமா
என்பதே கேள்வியாகியும்
என் உணர்வுகள் உனக்காக.. ..
நீ சொன்ன் வார்த்தைதான்
ஒருபொழுதேனும் உன்னுடன்
உலகை ..
நான் பொய்யாக எண்ணவில்லை
நரைகள் விழுந்தபின்னும்கூட
ஒருநாள் நாம் சந்திக்கலாம்
உன் வார்த்தைகளை
பத்திரமாகவே வைத்திருக்கிறேன்.

-றஞ்சினி