நீளும் கரிய இரவில்
கண்சிமிட்டி சிமிட்டிப் பேசுகிறாய்!
இருளோடு பேசும்
மின்மினிகள் போல்!
- ப்ரியன்.
உனது கிளைகளில்
எப்போதும்
இசைச் சொல்லித் திரியும்
குயில் நான்!
- ப்ரியன்.
உன் அலங்கார அறையை
முன் அனுமதியின்றி எட்டிப்பார்த்தேன்;
ஒரு காதில் சூரியனையும்
மறு காதில் சந்திரனையும்
அணிந்து அழகுப் பார்த்திருந்தாய் நீ!
- ப்ரியன்.
காதல் அகராதியில்
உன் பெயருக்கு நேராய்
என் பெயர்!
- ப்ரியன்.
வலையோடு காத்திருக்கிறேன்
விண்மீனான உனைப்
பிடித்துவிடும் ஆசையோடு!
- ப்ரியன்.
* அறுந்து விழும் வேகத்தோடு *
நன்கு சாற்றி தாளிடப்பட்ட
கதவின் பின்னால்,
துக்கமும்
கவிதையும் இல்லா
பின்னிரவு கழிகிறது
அறுந்து விழும் வேகத்தோடு சுழலும்
மின்விசிறியின் சப்தத்தினோடு!
- ப்ரியன்
--
குழுமம் : அன்புடன்
வலைப்பூ : ப்ரியன் கவிதைகள்
- ப்ரியன்
பிரசுரிக்கப்பட்ட திகதி: 2006-11-19