Skip to main content
Home
Vaarppu
A Tamil poetry magazine

Main navigation

  • கவிஞர்கள்
  • கவிதைகள்
  • விமர்சனங்கள்
  • நேர்காணல்கள்
  • கட்டுரைகள்
User account menu
  • Log in

Breadcrumb

  1. Home

நான் கூற நீ கேட்க

- சத்தி சக்திதாசன்

நான் கூற நீ கேட்க

சத்தி சக்திதாசன்


நிமிடத்தின் ஒர் பாகத்தை எனக்குத்தா

என்மனவுறையை சிறிது அகற்றுகின்றேன் உன்
செவிகளைத் திறப்பாயா ?

உள்மனத்தின் அசுத்தங்களை கழுவும்போது அது
உன்வீட்டுக் கால்வாய் வழியாக ஒடுகின்றது

என் பயணப்பாதையில் சிறிது ஓய்வெடுக்க நான்
எண்ணிய போதுன் இதயத்தைக் கடந்து
கொண்டிருக்கின்றேன்.

மைல் கணக்காய் நடந்து விட்டேன் இன்னமும்
அரைவாசிப் பயணம் கூட முடியவில்லையே

முட்புதர்கள் முடிந்துவிடும்
என எனக்கு ஏன் பொய்யுரைத்தாய் ?

நான் நடக்கும் பாதைக்குப் பெயரே நெருஞ்சிப் பாதையாம்.

ஓடக்கூடாதென உட்கார்ந்தபடியே உத்தரவிட்டு விட்டான்.

சிந்தனைச் சுமைகளை நானிறக்கி வைக்க
சிலைபோலமர்ந்து நீ கேட்டிருக்க
உன்னிதயம் கனக்கின்றதே ஏனது ?

சமுதாயாத்தின் அவலட்சணங்களை அகற்றிட
அழுத்தமாய் போராட உன் துணை வேண்டும்

மக்களின் மனங்களை பிணைத்திருக்கும்
மாயை எனும் அந்தச் சங்கிலியை
அறுத்தெறிவோம் என்னுடனே
கூட வருவாயா ?

விஞ்ஞானத்தை மறுக்கும்
வீணர்கள் கூட்டத்தை
வீழ்த்த ஓர் யுத்தம் தேவை
விரைந்து நீ வாராயோ?

ஆன்மீகம் எனும் அற்புத உணர்வு
ஆண்டவன் எனும் அழியா ஞானம்
அடிப்படையையே அழித்துவிட்டு சில தீயர்
அறிவை மறுக்குமொரு அநியாத்தை
அழிக்கவுன் துணை தேவை.

பயணம் முடிந்தது பாதிதான் மீதி ஏக நின் தோள்வலிமை தேவை

சிறிதுநேரம் என் விழிகளை மூடிக் கொள்கின்றேன்
கனவெனும் தேரேறி களைவேன் அறியாமையை
தோழனே !
தூக்கத்தைக் கலைக்காதே ஏனென்றால்
ஏக்கம் விற்பனையாகா சந்தையது

என்பேனா கக்குவது மையல்ல என்னிதய ரத்தமே !

முன்னேற்றங்கள் எல்லாம் க்ஷவ்வுலகில்
மூலையில்
முடங்கிக் கிடக்கின்றனவே

நியாயங்களை ஏன் மூட்டையாக் கட்டி
நிறுத்து நிறுத்து
நீசருக்கு விற்கின்றாய் ?

தடையெனும் தளயறுக்க கொண்ட கத்திரியில்
நான் ஒருபாதி தான்
மறுபாதி நீயும் நான்போகும் திசையில் அசையாவிட்டால்
தவறாமல் தடைகள் தங்கியேவிடும்

உன்னிதயத்தின் முன்னே நடந்து கொண்டிருக்கின்றேன்
போகும் ஊருக்கு நீயும் சேர்ந்து நடக்காவிட்டால்
விடிவுகள் விளக்கமற்றுப்போய்விடும்
வெற்றிகள்
வெறுமையாய்ப் போய்விடும்

சிலர் மட்டும் வாழும் உலகில்
பலர் ஏக்கம் தீரும் வகையில்

நான் கூற
நீ கேட்டு

சேர்ந்து படைக்கும் ஓர் புதுவுலகில்
ஆண்டவன் பெயரால்
அபிஷேகம் மட்டுமின்றி
அறிவையும் ஆக்கி வைப்போம்

நேரம் நெருங்குது வா நாம் பயணத்தை தொடர்வோம்
பிரசுரிக்கப்பட்ட திகதி: 1998-01-01


Join the Vaarppu Community

Log In Register

இவரின் பிற கவிதைகள்'

  • இயற்கை மருந்து
  • அவள்
  • தந்தையின் நினைவாக
  • நாகரீக உலகமா ?
  • உணர்வலைகள்
  • லண்டனின் லட்சணம்
  • ரயில் நிலையப் பாடகன்
  • தமிழின்பம்
  • எதையும் இதயம்
  • வாழ்த்துவோம்
- மேலும்..

புதிய கவிதைகள்

  • இது என் முதல் கொலை.. சாதி மறு
    - வித்யாசாகர்
  • பூனையாகிய நான்…
    - தக்‌ஷிலா
  • ஆகாயம் ஆன்மாவைக் காத்திருக்கும் இரவு
    - எம்.ரிஷான் ஷெரீப்
  • இயைந்த நிலை
    - மௌனன்
  • இளம் விதவையின் சோகம் ...வெயிலோடு
    - சொ.சாந்தி
  • விடைகொடல்
    - ரவி (சுவிஸ்)
  • உன் வரவும் என் மரணமும்..அமைதி
    - மெய்யன் நடராஜ், டோஹா கட்டார்
  • கண்ணீர் துளிகள்
    - ச இரவிச்சந்திரன்
  • குறிப்பேட்டிலிருந்து.. நான் கழுதையாகி
    - மன்னார் அமுதன்
  • எமைப்பார்த்து.. நிற்கிறார் நிலைத்து
    - எம் . ஜெயராமசர்மா
  • ஆத்மாவின் ஒப்பாரி
    - இரா.சி. சுந்தரமயில்
  • சின்ன மகளின் செல்(லா)லக் கனவுகள்
    - த.எலிசபெத், இலங்கை
  • எப்போது என் கோபத்தைக் காட்டுவது?
    - முல்லை அமுதன்
  • யாமிருக்கப் பயமேன்.. மூன்றெழுத்து
    - கலாநிதி தனபாலன்
  • எழுத்துக்கள் இல்லாத புத்தகம்
    - முகில்
  • மராமரங்கள்
    - ருத்ரா
  • வலி நிறைத்துப்போன... வெறுமை
    - அக்மல் ஜஹான்
  • சிலுவை சுமக்கும்... தப்புக்கணக்கு
    - இனியவன்
  • வால் மட்டும்
    - ருத்ரா
  • வைகாசி வலி
    - வதனிநேசன்

Footer

  • கருத்துகள்
  • நூலகம்
  • படமும் வரிகளும்
  • மொழிபெயர்ப்புக் கவிதைகள்
  • Privacy policy
  • Cookie Policy
  • Terms of Use
  • எம்மைப்பற்றி
  • வாசல்
இன்றுவரை 2,867 கவிதைகள் | 671 கவிஞர்கள்
யாதும் ஊரே யாவரும் கேளிர்
© Vaarppu.com, 1998 - 2026. Powered by ExcelGra

Follow us on
Facebook | X | YouTube