பருவ மழை
-----------------
மழலைப்பருவத்தில்
மண் வாசனை கிளப்பிய மழையில்
அப்பா குடைப்பிடிக்க தம்பியுடன்
காகிதக்கப்பல் விட்ட ஞாபகம்
பள்ளிப்பருவத்தில்
விடுமுறைகிடைக்குமென்று
அதிகாலை மழை வேண்டி
கடவுளுக்கு காசுகொடுத்த ஞாபகம்
கல்லூரி நாட்களில்
பையில் குடையிருந்தும்
அதை கையில் எடுக்காமல்
நண்பர்களுடன் நனைந்த ஞாபகம்
இன்று
கையில் குடை இல்லாவிடினும்
நனையாமல் செல்லும்
ரெயின் செட்டரில் சென்றாலும்
ஏனோ
அந்த நாள் ஞாபகம்
நெஞ்சில் ஊஞ்சலாடுகிறது
மழைக்காலம்
அது ஒரு கனாக்காலம்
பிரசுரிக்கப்பட்ட திகதி: 2009-12-02