Skip to main content
Home
Vaarppu
A Tamil poetry magazine

Main navigation

  • கவிஞர்கள்
  • கவிதைகள்
  • விமர்சனங்கள்
  • நேர்காணல்கள்
  • கட்டுரைகள்
User account menu
  • Log in

Breadcrumb

  1. Home

தூற்றி உயர்.. கதை.. இனிக் கனவு

- எசேக்கியல் காளியப்பன்

தூற்றி உயர்வதுவும் தொல்லுலகில் ஆகாதே!..கதைப்பொருளாய் ஆகுபவர்..!.. இனிக் கனவு பார்க்கிலேன்!

01.
தூற்றி உயர்வதுவும் தொல்லுலகில் ஆகாதே!
-----------------------------------------------

தமிழுக்கே உயிரென்று தண்டவாளம் மேல்படுத்தோர்
உமிழ்ந்திட்ட தெல்லாமும் ஒருமொழிமேல் விடமன்றோ?
அமிழ்தென்றே கூறியவர் அதைப்பாட மொழியாக்க
உமிழ்ந்தாரோ ஒருசொல்லும்? ஊர்,ஏய்ப்பே எல்லாமும்!
வேற்று மொழிபடித்து வெளிநாட்டு வேலையையே
போற்றி அவர்தொடரப் போவதுவும் அதனாலே!
தூற்றி அதனால்தான் தூயதமிழ்ப் பெயர்சொல்லார்!
சேற்றில் இறக்கிவிட்டச் செம்மல்களை நினையுங்கள்!
தூற்றி உயர்வதுவும் தொல்லுலகில் ஆகாதே!


02.
கதைப்பொருளாய் ஆகுபவர்..!
---------------------------------------------

மாலுக்கு மருமகனை மனத்துள்ளே நினைத்தவர்கள்
பாலுக்கும் ‘பார்லிக்கும்’ பைத்தியமாய் ஆவாரோ?
வேலுக்கும் மயிலுக்கும் வேதனையைச் சொல்பவர்கள்
காலுக்குத் தள்ளாட்டம் களைப்பால்தான் வேறில்லை!
தோலுக்கும் சதைகளுக்கும் தொண்டடிமை யாகிடுவோர்
காலுக்கும் நோயிற்கும் கதைப்பொருளாய் ஆகாரோ?


03.
இனிக் கனவு பார்க்கிலேன்!
------------------------------------

மழையாக வந்துநான் மனத்துளே இறங்குவேன்
--மண்ணென ஏன்விழுந்தாய்?
விளையாடும் தென்றலாய் கிளையாட்டி வருகிறேன்
--வேரொடும் ஏன்சரிந்தாய்?
குளிரூட்டும் மலருடன் கொடியெனப் படருவேன்;
--குடைசாய்ந்து கருகினாய்,ஏன்?
தெளிவான எண்ணமும் திடமான நெஞ்சமும்
--தெரியாது சென்றமா னே!

கோடையில் மழையெனக் கொட்டுவாய் என்றுநான்
--கொண்டதும் பகற்கன வே!
மேடையில் மாலையாய் மேல்விழு வாயென
--மிக,நினைத் ததும்கன வே!
ஓடையில் உன்னொடும் உருண்டதாய் என்னுளே
--உணர்ந்த்தும் பொய்க்கன வே!
பாடையில் மாலையாய் வந்து,நீ விழுவதாய்ப்
--பார்க்கிலேன் இனிக்கன வே!
பிரசுரிக்கப்பட்ட திகதி: 2013-08-29


PONGIRI

13 years 1 month ago

உங்களின் ஒவ்வொரு படைப்பும அருமை காளியப்பன் . வாழ்த்துக்கள் .rnபழனி குமார்

Join the Vaarppu Community

Log In Register

இவரின் பிற கவிதைகள்'

  • புகழ்வழி நடப்போம்..இயற்கையுடன்..
  • ஒரு குடிமகனின் தீர்மானம்!..தமது முயற்சி
  • ஏழை நீயிது.. பிறப்பித்தாள்
  • மீண்டும் பிறந்திருப்பேன்..! சரித்திரத்தின்
  • குழுக்களா.. கூட்டமு..நல்லறி..வெருவினார்
  • உண்மையின்..புலம்பி ஆகுமோ..ஆட்சி

புதிய கவிதைகள்

  • இது என் முதல் கொலை.. சாதி மறு
    - வித்யாசாகர்
  • பூனையாகிய நான்…
    - தக்‌ஷிலா
  • ஆகாயம் ஆன்மாவைக் காத்திருக்கும் இரவு
    - எம்.ரிஷான் ஷெரீப்
  • இயைந்த நிலை
    - மௌனன்
  • இளம் விதவையின் சோகம் ...வெயிலோடு
    - சொ.சாந்தி
  • விடைகொடல்
    - ரவி (சுவிஸ்)
  • உன் வரவும் என் மரணமும்..அமைதி
    - மெய்யன் நடராஜ், டோஹா கட்டார்
  • கண்ணீர் துளிகள்
    - ச இரவிச்சந்திரன்
  • குறிப்பேட்டிலிருந்து.. நான் கழுதையாகி
    - மன்னார் அமுதன்
  • எமைப்பார்த்து.. நிற்கிறார் நிலைத்து
    - எம் . ஜெயராமசர்மா
  • ஆத்மாவின் ஒப்பாரி
    - இரா.சி. சுந்தரமயில்
  • சின்ன மகளின் செல்(லா)லக் கனவுகள்
    - த.எலிசபெத், இலங்கை
  • எப்போது என் கோபத்தைக் காட்டுவது?
    - முல்லை அமுதன்
  • யாமிருக்கப் பயமேன்.. மூன்றெழுத்து
    - கலாநிதி தனபாலன்
  • எழுத்துக்கள் இல்லாத புத்தகம்
    - முகில்
  • மராமரங்கள்
    - ருத்ரா
  • வலி நிறைத்துப்போன... வெறுமை
    - அக்மல் ஜஹான்
  • சிலுவை சுமக்கும்... தப்புக்கணக்கு
    - இனியவன்
  • வால் மட்டும்
    - ருத்ரா
  • வைகாசி வலி
    - வதனிநேசன்

Footer

  • கருத்துகள்
  • நூலகம்
  • படமும் வரிகளும்
  • மொழிபெயர்ப்புக் கவிதைகள்
  • Privacy policy
  • Cookie Policy
  • Terms of Use
  • எம்மைப்பற்றி
  • வாசல்
இன்றுவரை 2,867 கவிதைகள் | 671 கவிஞர்கள்
யாதும் ஊரே யாவரும் கேளிர்
© Vaarppu.com, 1998 - 2026. Powered by ExcelGra

Follow us on
Facebook | X | YouTube