கடுகளவு மின்மினி
கங்குத் தீயில் திசைகளை அளக்கும்

கடலளவு மனசிருந்தும்
கவலை... கவலை... கவலை

அடேய்...
சிரிப்பதா
சீறிச் சினப்பதா ?

ஒரு புண்ணாக்கும் வேண்டாம்

கவிதையில்
கண்ணைக் கசக்குவோம் வா

--------- !!!!! --------------

சலனம்

தெரியாத ஊரில்
தெரிந்தவர் முகத்தை

தேர்தலில் தேர்வுகளில்
எப்படியேனும் வெற்றியை

சலூனில் சுவர்களில்
கிறங்கடிக்கும் ஆபாசத்தை

லாட்டரி முடிவுகளில்
நமது சீட்டின் நம்பரை

பயண நெரிசலிலும்
பக்கத்தில் கிளுகிளுப்பை

சிரிப்போ சீரியஸோ
சினிமாவின் இடையில் ஒரு சீனை

அலுவலகப் பெண்டிரின்
ஆடை விலகலை

அடுத்தவன் பாக்கெட்டில்
நம் கைச்செலவுக்கான பணத்தை

பிரசவ அறையில்
பிறப்பினில் ஆண்மையை

பேருந்து நிறுத்தத்தில்
பெண்மையின் பூரிப்பை

எதேச்சையாய்த் தேடும்
எடுபட்டபய மனசு

நன்றி ::

”-நதிக்கரையில் தொலைந்த மணல்”

வெளியீடு : பயணம் புதிது
புலியூர் 639 114
கரூர் வட்டம்
தொலைபேசி :: 04324 - 50292