கடலில் வந்த காதல்
(அந்தமான் தீவு அருகே சுனாமியில் கரைதப்பிய ஒரு அகதிகள் முகாமில் ஏற்பட்ட ஒரு காதல் இது )
என் தேவதையை
எங்கிருந்து
கடத்திவந்தாய் கடலே ?
சுனாமியே!
சுற்றியிருந்தவர்களையெல்லாம்...
கால்பிடித்து இழுத்து சென்றாய்!
எங்கிருந்தவளையோ...
காதல் பிடித்து அழைத்து வந்தாய்!
காதலித்தால்
சமூகம் எதிர்க்கும் என்றா
சமூகத்தை அழித்துவிட்டு...
எங்களை காதலிக்க வைத்தாய்?
தீவு தாண்டி வந்த
வே!
எந்த தேசத்தில் நீ இருந்தாலும்
என்னைத்தான் சேரவேண்டும்; என
கடவுள் கடலுக்கு
கட்டளையிட்டுவிட்டானா..?
கடல் பொங்கியதால்...
காதல் தங்கியதா ?
இல்லை நம்மில்
காதல் தங்குவதற்காக...
கடல் பொங்கியதா ?
இன்றைய காதல்கள் எல்லாம்
முடிவில் தத்தளிக்கிறது..
ஆனால் இங்கேயோ
ஒரு
தத்தளிப்பில்தான் காதலே
அரங்கேறியிருக்கிறது!
சுனாமியில்...
காணாமல் போனவர்களின் பட்டியலிலே
என்
இதயமும்...
இணைந்து கொண்டது!
அலைகள் அடித்துப் போட்டதில்
காயப்படட்டவர்களுக்கு மத்தியில்...
நாம்
காதல்பட்டிருக்கிறோமடி!.
ஒன்றாய் இருந்தவர்களையெல்லாம்...
பிரித்துவிட்டது!
பிரிந்துஇருந்த நம்மை...
ஒன்று சேர்த்துவிட்டது!
சுனாமியே ! சொல்
நீ
காதலுக்கு எதிரியா?
நண்பனா?
அழுகின்றவர்களின்
ஆறுதலுக்காக...
எங்கள் காதலை
நினைவுச்சின்னமாக்கிவிட்டாயோ?
திருமணம்...
சொர்க்கத்தில் நிச்சயிக்கப்படுகிறதாம்!
இங்கே
காதல்...
சுனாமியால் நிச்சயிக்கப்பட்டது !
அழாமல் வாடி! - மீண்டும்
அலைப்பக்கம் போவோம்!
நம்
இதயம் இணைத்த ...
கடலில்
கால்கள் நனைப்போம் வாடி!
ஆம்! இப்பொழுது
கடல் நமக்கு...
கல்யாண பரிசு!
- ரசிகவ் ஞானியார்
துபாய்
rasikow@yahoo.com
gnaniyar2k@rediffmail.com
பிரசுரிக்கப்பட்ட திகதி: 2005-03-27