Skip to main content
Home
Vaarppu
A Tamil poetry magazine

Main navigation

  • கவிஞர்கள்
  • கவிதைகள்
  • விமர்சனங்கள்
  • நேர்காணல்கள்
  • கட்டுரைகள்
User account menu
  • Log in

Breadcrumb

  1. Home

ஏற்றம் பெற.. ஆண்டவன் தேடு.. வாடகை

- வல்வை சுஜேன்

ஏற்றம் பெற ஏணிப்படி.. ஆண்டவன் தேடும் ஆலயம்.. வாடகை கூடு

01.
ஏற்றம் பெற ஏணிப்படி
---------------------------------

ஏற்றம் பெற ஏணிப்படி
ஏறிவிட்டாய் நீ முன்னிலை படி

அன்னை தந்தை முதல் படி
அகர ஆசான் அடுத்த படி
முழுமை கடவுள் மூன்றாம் படி
நற் சுகமே நான்காம் படி

பாச நேசம் உயர்ந்த படி
மயக்க நிலை மாயப் படி
வசந்தம் காண வாழ்க்கை படி
வாழ்வில் சொந்தம் வாசல் படி

காலம் கனிந்தால் காதல் படி
காவேரி கடப்பாள் கானல் படி
அன்பை தர ஆன்மீக படி
அறிவே என்றும் ஆகாச படி

படிக்கு படி பாத அடி - உன்னை
எரித்தே தணியும் கோடை இடி
ஏற்றம் காணலாம் ஏறு ஏறு
ஏற மறக்காதே தேசப் படி
உயர் நிலைதானே உரிமை கொடி


02.
ஆண்டவன் தேடும் ஆலயம்
-----------------------------------

ஆசை மன வாசலிலே
ஆடும் ஊஞ்சல் நூலினிலே
இழுக் கெலாம் இளையேற்றி
இறை அடி தேடும் நெஞ்சே
உன் வெண் மன கோயிலிலே
அழுக்கேறி இருள் இருக்க
நீ வடித்த கோபுர கூண்டுக்குள்
இறை வாழ குடி புகுவேனோ

பணம் வேண்டேன் பால் வேண்டேன்
பஞ்சாமிர்த சுவை வேண்டேன்
நிறம் மாறா பால் மனம் என்றால்
நிதம் வாழ்வேன் நிழலாக உன்னிடத்தில்

அடியும் முடியும் தேடு
ஆள் மனசில் ஆசை வார்க்காதே
பொய் சுமந்த தாழம் பூவானால்
புறையோடி பூநாகமே குடி புகும்

மனம் எனும் கோயிலிற்குள்
மிதவாத முள் எதற்கு
உன் வெறி கொண்ட வேள்வியில்
தறி கொண்டோடுதே நிறம்மாறா குருதி
நதியாகி நானித்து

ஆலயங்கள் நீ வளர்த்து
அதில் ஆராதனை ஒளி வளர்த்து
தாளிட்ட கதவுக்குள் சிறையிட்டு
சிதைக்கிறாய் சிலையிருத்தி என்னை

சிரிக்கிறேன் நான் நீ வடித்த கோயிலில்
அல்லா என்றும் யேசு என்றும்
ஈசன் என்றும் புத்தன் என்றும்
இன்னும் எத்தனையோ வடிவங்களில்

உள்ளக் கோயிலை தூய்மையாக்கு
இல்லார்க்கு ஈர்ந்து கொடு
பூசைக்குகந்த புஸ்பங்களாய்
ஆட் கொள்வேன் உமை ஆராதனை வேளை
நான் தேடும் ஆலயம் வெண் இதயமே.


03.
வாடகை கூடு
----------------------
வாடகை கூடு தான்டா சாமி – அட
வாழ்ந்துதான் பார்த்தேன் சின்னச்சாமி
இதயம் துடித்ததடா சில நாள்
இன்னும் உயிரோடு வாழ்கிறேன் அதனால்

கருவறை கோயிலில் வைத்தவளோ
காலன் அளைத்தே கண் துயின்றாள்
கருணை நிழல் தந்தவனோ
இனத்தீ அலையிலே தகனமுற்றான்
இளப்பதெல்லாம் இளந்துவிட்டு
இருக்குதையா இன்னும் உசிரு
புத்தபகவானே உன் போதனை வீணாச்சே
வெள்ளரச மரத்திலே வேதாளம் ஆடுதிங்கே

தாய் மண்ணை ஏடாக்கி அகரம் எழுதியவன் நான்
தாயக விடிவிற்கே தமிழ் பால் குடித்து வந்தேன்
இனத் தீ சங்காரம் இன்னும்தான் ஓயவில்லை
கனலான ஈழமே நதியாக நான் வாறேன்
நஞ்சு மாலை கழுத்தணிந்து
கந்தகத்தை வண்டி கட்டி
வாடகை கூட்டை
தாய் நாட்டுக்கே தந்துவிட்டேன்
அண்ணனை போலொரு ஆண்டவன் இல்லையடா
உரம் தந்து வரம் தந்து நிழல் தந்த சாமியவன்
பிரசுரிக்கப்பட்ட திகதி: 2013-01-01


சக்தி

13 years 10 months ago

செழிந்த சிந்தனையும் சிறந்த வார்த்தை கோர்ப்பும் சீரிய கவிதைகளாய்.. நன்றி வாழ்த்துக்கள்..

Join the Vaarppu Community

Log In Register

இவரின் பிற கவிதைகள்'

  • கல்லறைக்குள்.. தாயகத் தாகம்
  • மாறாப்பில்லா .. இருக்கின்றான்
  • எழுதப்படுகின்ற புத்தகம்
  • மெளன ராகம்.. அந்திச் சிகப்பு
  • மானுட.. மனசுக்குள்.. ஆசை மழை
  • தூயவள்
  • அகங்களும் முகங்களும்..கட்டில் சிலந்தி
  • ஆதவன் வரவை.. தாயின் மணி
  • ஆசை.. காதல் சிற்ப்பங்கள் .. விசச்சிலந்தி
  • மலரின் மரணம்..அடிச் சுவடு.. புனிதன்
- மேலும்..

புதிய கவிதைகள்

  • இது என் முதல் கொலை.. சாதி மறு
    - வித்யாசாகர்
  • பூனையாகிய நான்…
    - தக்‌ஷிலா
  • ஆகாயம் ஆன்மாவைக் காத்திருக்கும் இரவு
    - எம்.ரிஷான் ஷெரீப்
  • இயைந்த நிலை
    - மௌனன்
  • இளம் விதவையின் சோகம் ...வெயிலோடு
    - சொ.சாந்தி
  • விடைகொடல்
    - ரவி (சுவிஸ்)
  • உன் வரவும் என் மரணமும்..அமைதி
    - மெய்யன் நடராஜ், டோஹா கட்டார்
  • கண்ணீர் துளிகள்
    - ச இரவிச்சந்திரன்
  • குறிப்பேட்டிலிருந்து.. நான் கழுதையாகி
    - மன்னார் அமுதன்
  • எமைப்பார்த்து.. நிற்கிறார் நிலைத்து
    - எம் . ஜெயராமசர்மா
  • ஆத்மாவின் ஒப்பாரி
    - இரா.சி. சுந்தரமயில்
  • சின்ன மகளின் செல்(லா)லக் கனவுகள்
    - த.எலிசபெத், இலங்கை
  • எப்போது என் கோபத்தைக் காட்டுவது?
    - முல்லை அமுதன்
  • யாமிருக்கப் பயமேன்.. மூன்றெழுத்து
    - கலாநிதி தனபாலன்
  • எழுத்துக்கள் இல்லாத புத்தகம்
    - முகில்
  • மராமரங்கள்
    - ருத்ரா
  • வலி நிறைத்துப்போன... வெறுமை
    - அக்மல் ஜஹான்
  • சிலுவை சுமக்கும்... தப்புக்கணக்கு
    - இனியவன்
  • வால் மட்டும்
    - ருத்ரா
  • வைகாசி வலி
    - வதனிநேசன்

Footer

  • கருத்துகள்
  • நூலகம்
  • படமும் வரிகளும்
  • மொழிபெயர்ப்புக் கவிதைகள்
  • Privacy policy
  • Cookie Policy
  • Terms of Use
  • எம்மைப்பற்றி
  • வாசல்
இன்றுவரை 2,867 கவிதைகள் | 671 கவிஞர்கள்
யாதும் ஊரே யாவரும் கேளிர்
© Vaarppu.com, 1998 - 2026. Powered by ExcelGra

Follow us on
Facebook | X | YouTube