Vaarppu logo
கவிதை இதயங்களின் துடிப்பு  
  இதழ் :: தை 07, 2017
இன்றுவரை :: 678 கவிஞர்கள் , 2869 கவிதைகள்
வாசல் கவிஞர்கள் கவிதைகள் விமர்சனங்கள் நேர்காணல்கள் கட்டுரைகள்
 
விமர்சனம்
நிழல்களைத் தேடி
  - புதிய மாதவி





நிழல்களைத் தேடி!!!


பெண்விடுதலை பற்றிய விழிப்புணர்வு பெண்கள் மத்தியில் இன்று மேலோங்கியுள்ளது. இது பெண்களின்
வரலாற்று மூலங்களை நோக்கிய ஒரு தேடல், துக்கம், சந்தோசம்; கோபம், காதல் என உணர்வுகள்
கவிதையின் மூலம் மொழியியல் பெறுகிறது. பெண்களின் மன உணர்வுகளை காட்டுவதாகவும் "வரையறுக்கப்பட்ட
காற்றை திணறலோடு சுவாசிக்க" சபிக்கப்பட்ட பெண்களுக்கு எழுச்சியையும், எதிர்ப்பையும்
வெளிப்படுத்துவன இலக்கியங்கள் தான். உணர்வுகளை வெளிக்காட்ட, வெளிக்கொணர இன்று ஒரு
உந்து சக்தியாக கவிதை மொழி உள்ளது.

புதிய மாதவியின் நிழல்களைத் தேடியும் இந்த வகைக்குள் அடங்கும்.
இக்கவிதைத்தொகுதிக்கு தலித் எழுத்தாளரான சிவாகாமி முகவுரை எழுதியுள்ளார். "விமர்சனங்களுடன்
கூடிய கனமான சிந்தனையை ஒட்டி பூடகமான கேள்விகளுடன் வருகிறது புதியமாதவியின் கவிதை என
கூறுகிறார் சிவகாமி"

போர், பட்டினி, அரசு ஒடுக்குமுறை ஆண் அதிகாரம், பெண் ஒடுக்குமுறை ஆகியவற்றின் கீழ் அவதியுறும்
மக்களின் மனோநிலையை காயப்படுத்தபட்ட நம்பிக்கையின் சோகத்தை வெளிப்படுத்தும் கவிதைகள்
கூட வரலாற்றின் பதிவுகள் தான். புதிய மாதவியின் கவிதைகளும் அந்த வகையை சார்ந்தவையாக
உள்ளன.

நாம் புதியவர்கள் என்ற கவிதை

நான் தென்றலாக
வரவில்லை
அதனாலேயே
புயல் என்று
யார் சொன்னது?

நான் கனவுகளாக
வரவில்லை
அதனாலேயே
நிஜம் என்று
யார் சொன்னது (பக் 21)

நான் நானாக
நீ நீயாக
நீயும் நானும்
புதிதாகப் பிறந்தவர்கள்

நான் யார்?
நாளைய
அகராதி
எழுதும்
அதுவரை
இருக்கிற சொற்களில்
என்னைக் கழுவேற்றி
உன்னை
முடித்துக்கொள்ளாதே
(பக் 22)

இக் கவிதை எதிர்நிலை ,இருமை தாண்டிய பரிமாணங்களை கோரும் கவிதையாக உள்ளது.


கணவனின் தோழியர் என்ற கவிதை

ஏதாவது காரணம் சொல்லி
அடிக்கடி சந்திக்கும்
உன் தோழியரின் முகங்கள்
அச்சுறுத்தவில்லை என் இரவுகளை
எப்போதோ சந்தித்த
என் பள்ளிப்பிராயத்து நண்பனை
இப்போதும் நான் சந்திப்பதாக
நீ சந்தேகப்படும் வரை
(பக் 27)

ஆணாதிக்கம் இருக்கிறதே அது மூளைக்குள் ஆழமாய் பதியப்பட்டிருக்கிறது. கல்வி வளர்ப்பு முறை
தொடர்பு சாதனங்கள் மதம் கலாச்சாரம் என்கின்ற பல வழிகளில் புகுத்தப்பட்டு சமூக அரசியல்
நடைமுறைகளினுடாக அது மேலும் ஆமோதிக்கப்பட்டும் பாதுகாக்கப்பட்டும் வருகின்றது. இது பெண்,
ஆண் நட்பு மீது ஆண் மனதில் பெண் தரப்பு மீது சந்தேகங்களை இலகுவாகவே உருவாக்கியும்
விடுகிறது. என்பதை இக்கவிதை சொல்லி நிற்கிறது.

எறும்புக்கடி

இந்த வேலையில்
அவளுக்கு வருத்தமில்லை
ஆனால்-
எப்போதாவது அவள் நிர்வாணத்தை
எறும்புகள் கடிக்கும்
இவனில் எவனாவது
அப்பனாக இருந்தால்?
(பக் 28)

பெண்கள் மீது சுமத்தப்படும் அதிதீவிர வன்முறைதான் ஆண்களால் நிகழ்த்தப்படும் பாலியல்
பலாத்காரமாகும். பெண்களை ஏமாற்றும் பாவச் செயலை, துரோகங்களை உணர்ச்சி பூர்வமாக குழப்பமில்லாமல்
கூறுகிறார் புதிய மாதவி. பாலியல் வன்முறையானது பெண்கள் மீதான ஆண்களின் அதிகாரத்தின்
அராஜகத்தின் வெளிப்பாடாக வெவ்வேறு இடங்களில் நடைபெறுகிறது. பெண்கள் பாலியல் வன்முறைக்கு
உள்ளாக்கப்படுவதும் பின் தூக்கியெறியக்கூடிய போகப் பொருள்களாக பெண்களின் வாழ்வும்
சிதைந்த மனநிலையையும் செய்தியாக சொல்லுகிறது எறும்புக்கடி கவிதை.

ஒற்றை நட்சத்திரம்
போதுமா இருட்டுக்கு?
நகைக்கிறது வானம்
எப்படி புரியவைப்பேன்?
முகம் தேடி அலையும் இருட்டில்
எரியும் மெழுகுவர்த்தியிடம்
காணாமல் போகிறது
கண் கூசும் சூரியன் என்பதை
(பக் 29)

ஆண் மொழி அதிகாரத்தினால் சூழப்பட்டுள்ள இந்த உலகில் பெண்கள் முகம் தேடும் முயற்சியில்
அவளது மொழியும் குரலும் வலிமையானதுதான் என பூடமாக பேசுகிறது இக்கவிதை.

புதிய நந்தன்

பாலைவனச் சூடும்
பாதரச நெருப்பும்
எரிக்காத நந்தனை
எரித்துக்கொண்டிருக்கிறது
பிறந்த மண்ணில்
பிறப்பையே குற்றமாக்கி
வாயில் திணிக்கப்பட்ட
மலமும் மூத்திரமும்
(பக் 39)

தனது பார்வையை தலித்துகள் பக்கம் திருப்புகிறார் சமூகத்தில் இவர்களுக்கு எந்தவித அங்கீகாராமும்
இல்லை. எவ்வித சமூகப் பாதுகாப்போ அல்லது உத்தரவாதமோ இல்லை மனிதர்களை மனிதர்களாகப்
பார்க்க மறுக்கும் சாதிய சிந்தனையை இக்கவிதை மூலம் தாக்குகிறார் கவிஞர்
புதியமாதவி.


உன் குற்றம்

நீ
கடைசிவரை
காதல் அறியாமலேயே
விதவை ஆனாயே
அது
மட்டும் தான்
குற்றம்

நூலின் நீளத்தில்
காற்றில் பறப்பதாய்ப்
பாவனைச் செய்யும்
காற்றாடி அல்ல
எங்கள் கவிதைகள்
வெட்ட வெட்டப்
புதிது பதிதாக
எரியும் சாம்பலிலும்
எழுந்து பறக்கும்
எழுத்துப் பறவையாய்
எங்கள் சுவடுகள்


இச்சமூகம் பெண்களை தமது ஆண் அதிகாரத்திற்குள் அடக்கி வைத்திருந்தாலும் அதையும் மீறி
பல்வேறு பரிமாணங்களில் பெண் எழுத்துக்கள் மிளிரும் என்ற புதிய மொழியின் குறுக்கு வெட்டுத்
தோற்றத்தை எரியும் சாம்பலிலும் அதன் உயிர்ப்பைக் அடையாளம் இடுவோம் என உரத்துக்
கூறுகிறார் புதியமாதவி. உண்மை தான் புதியமாதவியின் கவிதைகள் பெண் மொழியின் சவாலாக
இன்று புதிய தளத்தில் பரிணமிக்கிறது என்பது இங்கு குறிப்பட்டுத் தான் ஆகவேண்டும். படிமங்களின்
ஆளுமையும் ,குறியீடுகளின் அர்த்தங்களும் கவிதையாக புரிந்து கொள்ளப்படுகிற சூழலில் அன்றாடம்
பெண்களின் வாழ்க்கையில் நடைபெறும் நிகழ்வுகளை அனுபவங்களை வார்த்தைகளால் எளிமையாக
ஊடறுத்து தந்துள்ளார்:

இந்தக் கவிதைகளின் பலம் சக மனிதர்கள் மீதான அன்பும் சமூக பிரக்ஞையுமே எனலாம். நவீன
சமூகத்தில் வெளிப்படும் இன்றைய தளங்களான பெண்ணியம், குடும்பம், கல்வி, சாதி சுற்றுச்சூழல்
என எண்ணற்ற தளங்களில் ஏற்படும் பிரச்சினைகளையெல்லாம் ஊடுருவும் கவிதைகள் தான்
புதியமாதவியின் கவிதைகளாகும்.



றஞ்சி (சுவிஸ்)

15:11:2006
தொடபுகட்கு

நிழல்களை தேடி

அன்னை இராஜேஸ்வரி பதிப்பகம்
41 கல்யாண சுந்தரம் தெரு
பெரம்பூர் சென்னை 600011
தொலைபேசி: 0091 44 25582552

றஞ்சி (சுவிஸ்) எழுதிய பிற விமர்சனங்கள்
red angle ஈழத்து பெண் படைப்பாளிகளுடன் தமிழ் நாட்டு பெண் படைப்பாளிகளின் எழுத்துக்களை ஒப்பிடுவதில் சிக்கல்கள் இருக்கிறது
red angle சாமர்த்தியமாகச் சொல்லுதல் என்பதற்கு அப்பால் அவர் உணர்ச்சிகளை அவற்றின்ஆதாரமாக சொல்ல முயன்று இருக்கிறார்
red angle எமது யோனிகள் எமது உடல்கள் மற்றொரு காமுகனை பெற்றுப் போடாதிருக்கட்டும். எவ்வளவு ஆழமான கருத்து இது.
red angle பெண்ணின் ஆத்மார்த்தமான குரல்களைப் பல்வேறு வடிவங்களில் கேட்கமுடிகிறது பெண்களின் கனவுத்தேசத்தின் விடுதலையிலும் அனைவரும் சமமாக ...
red angle ஒளவையார் தான் வாழ்ந்த காலத்துப் பெண்களின் உண்மையான நிலைமையைப் புறக்கணித்ததாக விமர்சிக்கப்படுகிறார்.
 
 
book
  கவிதைகளுக்கான விமர்சனங்கள்
  பெண்கள் தம்மைத் தாமே குற்ற உணர்வில் அடைத்துக்கொள்வது பற்றியும் குற்றஉணர்வுகள் தொலையப்பட வேண்டியவை என்பதையும்
  காணாமல் போதல் எங்கள் துயர் சூழ்ந்த வாழ்வின் ஒரு பகுதி. திகிலடர்ந்த எங்கள் பாதையில் எப்போதும் ஒருவன் காணாமல் போய்கொண்டே இருந்திருக்கிறான். எங்களில் ஒருவன் காணாமல் போனான் என்பது ஒவ்வொரு காலங்களிலும் ஏற்படுத்திய அதிர்வுகள் ஒவ்வொரு விதமானவை.
  சமரின் ஆயுதங்களும் அவற்றின் இடையறாத ஓசைகளும் தான் வாழும் பூமி கானகமெங்கும் விசிறப்பட்ட வலியைச் சொல்கிறது.
  வியாபித்திருக்கும் யுத்தத்தின் குரூர முகங்களை வட்டமிட்டுக் காட்டி, வாசிப்பவரை விழிகசியச்...
  அகிலனின் கவிதைகள். எல்லாத்தளங்களிலும் நிகழ்ந்து கொண்டிருக்கிற புரிதலின்மை அல்லது தவறான புரிதல்கள...
  “நிலா பெண்ணல்ல
ஏனென்றால்
பெண் கற்பைக்
கடன் வாங்குவதில்லை” என்று புதிய மாதவி எழுதியிருக்கிறார்
  உனக்கும் எனக்கும் என
உன்னச் சுற்றி என்னச் சுற்றி உள்ள தனித்தனி சிறு சிறு அரண்களுக்குள் ரகசியமாய்..
  போதுமானவைகள் போதுமான அளவில்
பரவலாக்கப் படாதவரை,
தேவயற்ற தேவகள்
தடுக்கப்படாதவரை,
சிறுளி பெருவெள்ளமே
மேலும்...            
விமர்சகர்கள்
pointதேவகாந்தன்
pointதிவ்வியகுமாரன்
pointவெலிகம ரிம்ஸா முஹம்மத்
pointசேவியர், தமிழ்நாடு
pointகவிதைப்பித்தன்
pointதுர்க்கா தீபன்
pointவி.ஏ. ஜுனைத்
pointசு. குணேஸ்வரன்
pointஆங்கரை பைரவி
pointதமிழ்நதி
pointராஜமார்த்தாண்டன்
pointடாக்டர் 'ஜின்னாஹ்' ஷரிபுத்தீன்
pointதாஜ்
pointஆரவாரம்.க.தே.தாசன்
pointமுல்லை அமுதன்
pointஇரா.பச்சியப்பன்
pointபா.விஜய்
pointஆழியாள்
pointநிந்தவூர் ஷிப்லி
pointஏ.எம். ஜஃபர்
pointகே.எஸ். சிவகுமாரன்
pointகலாநிதி மனோன்மணி சண்முகதாஸ்
pointஎன்.செல்வராஜா
pointஅம்பலவன் புவனேந்திரன்
pointக.வாசுதேவன்
pointபழநிபாரதி
pointமு.மேத்தா
pointவே. தினகரன்
pointராசு
pointஊர்வசி
pointகன்னிக்கோயில் இராஜா
pointசெ.க.சித்தன்
pointஎன்.இபி. - இந்தியா
pointபெஞ்சமின்
pointத. பழமலய்
pointறஞ்சி (சுவிஸ்)
pointசாஜகான்
pointபஹீமா ஜஹான்
pointதீபச்செல்வன்
pointஎம்.ரிஷான் ஷெரீப்
pointசெந்தமிழ், சென்னை
pointமு. பழனியப்பன்
pointதேவமைந்தன்
pointஅன்பாதவன்
point பிச்சினிக்காடு இளங்கோ (சிங்கப்பூர்)
pointஸ்ரீமங்கை
pointகருணாகரன்
pointபுதியமாதவி, மும்பை
pointசித்தார்த்
pointநா.முத்து நிலவன்
pointபுகாரி
pointநளாயினி
pointரவி (சுவிஸ்)
pointநிர்வாணி


கவிதைத்தொகுப்பு தொடர்பான உங்களின் விமாசனங்களை பிரசுரிக்க விரும்பினால் அனுப்பிவையுங்கள். அனுப்பவேண்டிய விபரங்கள் உள்ளே
 
© 1998 - 2017 vaarppu.com - a magazine for Tamil poems.   powered by
யாதும் ஊரே யாவரும் கேளிர்