Vaarppu logo
கவிதை இதயங்களின் துடிப்பு  
  இதழ் :: தை 07, 2017
இன்றுவரை :: 678 கவிஞர்கள் , 2869 கவிதைகள்
வாசல் கவிஞர்கள் கவிதைகள் விமர்சனங்கள் நேர்காணல்கள் கட்டுரைகள்
 
விமர்சனம்
தன்னிடத்தை நிரப்புயுள்ளது நாற்காலி
  - பொன். குமார்








திண்ணையில்
ஆடும் நாற்காலி



கவிதைகள் வாழ்க்கையின் ஒவ்வொரு அணுவிலும் கருக்கொண்டு முகம் காட்டுகிறது. கவிதைகள் என்றால்
பெண்ணின் காதல், நிலாவின் அழகுச்சிரிப்பு, தாயின் அணைப்பு, மழைச்சாரலில் பச்சைப்புடவைக்
கட்டும் மலைமகளின் நடனம், அரசியல், தமிழ் வாழ்த்து இப்படி ஒரு தடம் போடப்பட்டிருக்கிறது.
இந்த பழைய வண்டிப்பாதைகளிலிருந்து இன்றைய கவிதைகள் வானூர்திகள் பறக்கும் ஆகாயப்பாதையைப்
போல வாழ்வில் கண்ட, அனுபவத்தை அனைத்தையும் கவிதையாக்கும் வேகத்தில் இறக்கைக்கட்டிக்
கொண்டு பறந்து கொண்டிருக்கிறது.

சிலர் கவிதைகள் எரிமலையாக, சிலர் கவிதைகள் நதி ஓட்டமாக , சிலர் கவிதைகள் தூக்கமிழக்கச்
செய்யும் விம்மல் ஒலியாக இப்படி எத்தனையோ கவிதைகள் இன்று வாசகனுக்கு. அவரவர் நேரம்,
தேவை, அந்த நேரத்தின் மனநிலை இப்படி காலம், இடம், தேவை அறிந்து எடுத்துக் கொள்ளும்
அளவிற்கு கவிதை உலகம் பல்வேறு தளங்களில் முகம் காட்டி அடுக்கி வைக்கப்பட்டுள்ளது.

உங்களுக்கு அமைதியாக ஈஸிச்சேரில் சாய்ந்து கொண்டு ஒரு மாலைப் பொழுதில் கவிதை
வாசிக்கும் அனுபவத்தைத் தருவது அண்மையில் வெளிவந்திருக்கும் நண்பர். கவிஞர்
பொன்குமார் எழுதியிருக்கும் 'தன்னினத்தை நிரப்பியுள்ளது நாற்காலி' கவிதைகள்.

எல்லா குடும்பங்களிலும் இப்படி ஒரு நாற்காலி கட்டாயம் இருந்திருக்கும். நாற்காலியாக, நார்க்கட்டிலாக,
சாய்வு நாற்காலியாக, எழுத்து மேசையாக இப்படி எதோஒன்று தாத்தா, பாட்டி, அப்பாவின்
அடையாளமாக பயன்பாட்டிலோ அல்லது பயன்படுத்தியவர்களில் மீதுள்ள மரியாதைக் காரணமாக ஓரு
காட்சிப்பொருளாக ஒரு மூலையிலோ இருக்கத்தான் செய்கிறது. ஆனால் அதே நாற்காலி கவிஞருக்கு
கவிதையின் கருப்பொருளாகி கவிதை இடத்தில் அவருக்கான தனி இடத்தை நிரப்பிக்கொள்கிறது.






சின்ன சின்ன விஷயங்களையும் ஊன்றி கவனித்து கவிதையின் கருப்பொருளாக்கும்
தெளிவும் திறமையும் படைத்த கவிஞர்








ஓய்வு பெற்ற தாத்தாவிற்க்காக
உழைத்தது ஓய்வின்றி

குடும்பத்தை தாங்கியதாக
கர்வப்பட்டுக்கொண்ட தாத்தாவையே
தாங்கியது

இறந்த தாத்தாவை
படுக்க வைத்ததால்
பயன்படுத்தாமல் கிடந்தது
இன்றுவரை

அப்பாவுக்கு
நாற்காலி மீது
பயம் கலந்த மரியாதை
எப்போதுமே
....
அனாதையாக உள்ளது
அப்பா இறப்பிற்குப் பின்

வெற்றிடமாயினும்
தன்னிடத்தை நிரப்பியுள்ளது
நாற்காலி.
(பக் 9)


எதிரிகளை அழிப்பேன், ஒழிப்பேன் என்ற காலம் போய் இன்று கவிஞர் பட்டாளம் எதிரிகளுடன்
கைகுலுக்குவது வாழ்க்கையை சுவராஸ்யமாக ஆக்கும் நிலையைப் பார்க்கிறோம். 'நானும் நண்பர்களும்
'என்ற கவிதையில் கவிஞர் தங்கம் மூர்த்தி அவர்கள்

எதிரிகளும்
எதிரிகள் போலவும்
நண்பர்களும்
நண்பர்கள் போலவும்
நிறையப் பேர்
எனக்கு.

எதிரிகளை எளிதில்
இனம் காண முடிகிறது
அவர்களைக் கண்டு
அச்சமில்லை எனக்கு
நண்பர்களை
நினைத்தால்தான்..


என்று வித்தியாசமாக வருத்தப்பட்டிருப்பார். அதுபோலவே கவிஞர் பொன்.குமாரும்

பிரியமானவர்கள் எதிரிகள்

எதிரிகளைத் தேர்ந்தெடுப்பதில்
எச்சரிக்கையாக இருக்கிறேன்

விரோதிகளின்
உண்மையான விமர்சனக்களே
வாழ வைக்கின்றன
என்னை

எதிரிகள் இல்லா வாழ்க்கை
என்ன வாழ்க்கை!


என்று வாழ்க்கையை எதிரிகளுடன் இணைத்து கண்டு புன்னகைக்கிறார்.

வாழ்க்கையின் நிறைய சந்தர்ப்பங்களில் தொன்மை காரணமாகவே சில செயல்பாடுகள் தொடர்கின்றன.
அந்தச் செயல்களுக்கான தேவையும் அர்த்தமும் இன்று இல்லை என்பதை அறிந்தப் பின்னும்
அதுவே சடங்கு, சம்பிரதாயம், வழக்கம், ஏன் சில நேரங்களில் கலாச்சார பண்பாட்டு முகங்களுடனும்
உலா வந்து கொண்டிருப்பதைக் காணுகிறோம்.ஆதிகாலத்தில் மனிதன் இறந்தவுடன் அவனை எடுத்துச்
சென்று இடுகாட்டில் எரிப்பதற்கும் புதைப்பதற்கும் நெருப்பு தேவைப்பட்டிருக்கிறது. அந்த
நெருப்பை இடுகாட்டில் பெறுவது சாத்தியமில்லை என்பதால் பிணத்துடன் நெருப்பு கனன்று கொண்டிருக்கும்
கொள்ளிச்சட்டியையும் ஏந்திச் செல்ல வேண்டிய தேவை இருந்திருக்கிறது.ஆனால் இன்று அந்த தேவைகள்
எதுவுமில்லை. இடுகாடுகளில் பிணங்களை எரிக்க மின் எந்திரங்கள் வந்தாகிவிட்டது. வெளிச்சத்திற்கு
மின்சாரம் வந்தாகி விட்டது. இருந்தும் கொள்ளிச்சட்டியை ஏந்திச் செல்லும் பழக்கம் சம்பிரதாயம்,
சமயச் சடங்கு என்ற பெயரால் தொடர்வதைப் பார்க்கிறோம். இந்தக் கருத்தை வேறு ஒரு தளத்தில்
கொண்டு சென்று அம்மன் கோவில் ஊர்வலத்தில் ஏந்தப்படும் தீப்பந்தமாக 'வெளிச்சம்'
கவிதையில் படைத்துள்ளார்.

'மின்சாரம் தடைபட்டால்
தொடர் வெளிச்சத்திற்கு
தயாராய்
'பெட் ரோமாக்ஸ்கள்'

மஞ்சள் பகலாய்
மாறியிருந்தது இரவு

சடங்காக
அம்மன் ஊர்வலத்தில்
முன்னால் பிடித்துச் செல்கிறாள்
பெண்ணொருத்தி
தீப்பந்தம்
(பக் 18)


மழை நீரைச் சேமிக்க ஒவ்வொரு வீட்டிலும் நீர்த்தொட்டி அமைக்கும் படி சொல்லிய தலைவர்கள்
தண்ணீரில்லாத குளத்தில் லாரி லாரியாக தண்ணீரைக் கொட்டி மகாமக மேளாவில் பாவம் தீர
புண்ணிய நீராடலைப் பார்க்கிறோம். கவிஞர் 'தண்ணீர்' என்ற கவிதையில்

'சேமிப்பதில் அக்கறையானவர்கள்
செலவழிப்பதில் கொள்வதில்லை

வெள்ளிக்கிழமை மட்டும்
குடம் குடமாய கொண்டு
ஊற்றுவர் மாரியம்மனுக்கு'

(பக் 36)
என்ற விசனப்படுவதைக் காணலாம்.

சின்ன சின்ன விஷயங்களையும் ஊன்றி கவனித்து கவிதையின் கருப்பொருளாக்கும் தௌவும் திறமையும்
படைத்த கவிஞர் பொன்.குமார் அவர்கள் 'நீ யார்?' கவிதையில் இந்து மதத்தில் இன்று மக்களின்
வழிபாட்டுத் தளத்தில் முழுவதும் மறைந்துவிட்ட சைவ, வைணவ வேறுபாட்டை பெரிய
கேள்விக்குறியாக்கி இருப்பது வாசகனுக்கு அவருடைய கேள்விக்குறியை ஆச்சரியக் குறியாக்கிவிட்ட
அவலத்தை ஏற்படுத்திவிடுகிறது.

கவிஞர் பொன்.குமார் அவர்களின் இலக்கிய பயணத்தில் பனிரெண்டாவது நூல் இது. தன்னிடத்தை
நிரப்பியுள்ள நாற்காலியில் உட்கார்ந்து கொண்டு சில காட்சிகளை அசைபோடும் அனுபவப் பகிர்வு.
அதுவும் எதிலும் பட்டுக்கொள்ளாமல் பாதிப்புகளில் காயப்படாமல் திண்ணையில் உட்கார்ந்து
சிலவற்றைச் சொல்லுவதும் பலவற்றை நினைப்பதுமாக ஆடிக்கொண்டிருக்கிறது இந்த நாற்காலி.

புத்தகம் வாசிப்பது
பொதுவானது
சிலரே
சிரத்தையோடு வாசிக்கின்றனர்.
...

புத்தகம் அதுவாகவே உள்ளது
வாசிப்பில்தான் சிக்கல்.

புரிந்து வாசிப்பவரே
புத்திசாலிகள்

ஒவ்வொருவரும் ஒவ்வொருவிதம்
அர்த்தப்படுத்திக் கொண்டுள்ளனர்

அதில் பலவுண்டு
அத்தியாயங்கள்

சிலவே சுவை
பல சோதனை

எனக்கானதை வாசித்த படியுள்ளேன்
நான்...


கவிஞர் பொன்.குமாரின்" வாசிப்பு" என்ற இறுதிக்கவிதை கவிதைகளை வாசித்து முடித்த வாசகனுக்காக
கவிஞரே எழுதியிருக்கும் கவிதை. வாசகர்கள் அனைவரும் இக்கவிதையைத் தந்த கவிஞருக்கு கட்டாயம்
ஒரு "ஜே" போடலாம் வாருங்கள்.

கவிதைநூல்: தன்னிடத்தை நிரப்புயுள்ளது நாற்காலி
வெளியீடு: மருதா பதிப்பகம், சென்னை.
பக் : 80 விலை : ரூ.40/-


புதியமாதவி, மும்பை எழுதிய பிற விமர்சனங்கள்
red angle பல்வேறு கவிஞர்களையும் கலைஞர்களையும் கவர்ந்த கொனாரக் சிற்பங்களை 2000 ஆண்டு இலக்கிய தொனமத்தில் வந்தக் கவிஞர் பழமலய் அந்த தொன்மங்களை ஏற்றி பார்க்கிறார்
red angle சுற்றுப்புறச்சூழல் தாண்டி வாழ்க்கையின் சமூக அவலங்கள், வர்க்கம், சாதியம் என்று பல்வேறு தளத்திற்கு வாசகனை ...
red angle ஒடுக்கப்பட்ட மக்களின் வரலாறும் அவர்களின் உரிமைகளையும் விடுதலையையும் பேசி தன்னைத் தலைவர்களாக்கிக் ...
red angle காதலில் கூட தன் சுயமிழப்பதை இன்றைய பெண் விரும்புவதில்லை. காதலுக்காக த்ன்னை இழந்து தன் நாமம் கெட்ட ...
red angle காலம் காலமாய் புனிதமாக கருதப்பட்ட நம்பிக்கைகள் அனைத்தையுமே கேள்விக்குறியாக்கி தனக்காக வாழ நினைக்கும் பெண்ணின் குரலாக பதிவு செய்துள்ளார்.
red angle இந்திரனின் கவிதைகள் உணர்ச்சிக் கொந்தளிப்பில் வெளிவந்தவை அல்ல, அவை அறிவின் கரை நின்று
red angle தனிமையின் மவுனம் பிரபஞ்சத்தைப் பிளக்கும் வலிமையுடையது. தனிமையைத் தேடி ஓடும் மனிதர்கள் கண்டதில்லை தனிமையை ..
red angle சமகால தமிழின விடுதலைப் போராட்டத் தளத்தின் காட்சிகளுடனும் கருத்துகளுடனும் ஒப்புமைப் படுத்திப் பார்க்கும் போது
red angle பாலியலைக் காதலாக்கி மணம் காணும் கவிஞர் அதையே பெண் கேட்டால் கேள்விக்குறியாக்குவது சமுதாய மரபுவழி எண்ணங்களில் சிக்குண்டு இருப்பதையே உணர்த்துகிறது.
red angle காசி ஆனந்தன், வண்ணதாசன், ஆதி மூலம், அறிவுமதி..வரிசையில் இதோ இன்னொரு மழைத்துளி.
red angle தலித்தின் வாழ்க்கை அனுபவங்கள் அதிர்ச்சியானவை. படிப்பு, பதவி, பணம் என்னவந்தும் அந்த வலியின் ரணத்தை அகற்ற முடியவில்லை.
 
 
book
  கவிதைகளுக்கான விமர்சனங்கள்
  பெண்கள் தம்மைத் தாமே குற்ற உணர்வில் அடைத்துக்கொள்வது பற்றியும் குற்றஉணர்வுகள் தொலையப்பட வேண்டியவை என்பதையும்
  காணாமல் போதல் எங்கள் துயர் சூழ்ந்த வாழ்வின் ஒரு பகுதி. திகிலடர்ந்த எங்கள் பாதையில் எப்போதும் ஒருவன் காணாமல் போய்கொண்டே இருந்திருக்கிறான். எங்களில் ஒருவன் காணாமல் போனான் என்பது ஒவ்வொரு காலங்களிலும் ஏற்படுத்திய அதிர்வுகள் ஒவ்வொரு விதமானவை.
  சமரின் ஆயுதங்களும் அவற்றின் இடையறாத ஓசைகளும் தான் வாழும் பூமி கானகமெங்கும் விசிறப்பட்ட வலியைச் சொல்கிறது.
  வியாபித்திருக்கும் யுத்தத்தின் குரூர முகங்களை வட்டமிட்டுக் காட்டி, வாசிப்பவரை விழிகசியச்...
  அகிலனின் கவிதைகள். எல்லாத்தளங்களிலும் நிகழ்ந்து கொண்டிருக்கிற புரிதலின்மை அல்லது தவறான புரிதல்கள...
  “நிலா பெண்ணல்ல
ஏனென்றால்
பெண் கற்பைக்
கடன் வாங்குவதில்லை” என்று புதிய மாதவி எழுதியிருக்கிறார்
  உனக்கும் எனக்கும் என
உன்னச் சுற்றி என்னச் சுற்றி உள்ள தனித்தனி சிறு சிறு அரண்களுக்குள் ரகசியமாய்..
  போதுமானவைகள் போதுமான அளவில்
பரவலாக்கப் படாதவரை,
தேவயற்ற தேவகள்
தடுக்கப்படாதவரை,
சிறுளி பெருவெள்ளமே
மேலும்...            
விமர்சகர்கள்
pointதேவகாந்தன்
pointதிவ்வியகுமாரன்
pointவெலிகம ரிம்ஸா முஹம்மத்
pointசேவியர், தமிழ்நாடு
pointகவிதைப்பித்தன்
pointதுர்க்கா தீபன்
pointவி.ஏ. ஜுனைத்
pointசு. குணேஸ்வரன்
pointஆங்கரை பைரவி
pointதமிழ்நதி
pointராஜமார்த்தாண்டன்
pointடாக்டர் 'ஜின்னாஹ்' ஷரிபுத்தீன்
pointதாஜ்
pointஆரவாரம்.க.தே.தாசன்
pointமுல்லை அமுதன்
pointஇரா.பச்சியப்பன்
pointபா.விஜய்
pointஆழியாள்
pointநிந்தவூர் ஷிப்லி
pointஏ.எம். ஜஃபர்
pointகே.எஸ். சிவகுமாரன்
pointகலாநிதி மனோன்மணி சண்முகதாஸ்
pointஎன்.செல்வராஜா
pointஅம்பலவன் புவனேந்திரன்
pointக.வாசுதேவன்
pointபழநிபாரதி
pointமு.மேத்தா
pointவே. தினகரன்
pointராசு
pointஊர்வசி
pointகன்னிக்கோயில் இராஜா
pointசெ.க.சித்தன்
pointஎன்.இபி. - இந்தியா
pointபெஞ்சமின்
pointத. பழமலய்
pointறஞ்சி (சுவிஸ்)
pointசாஜகான்
pointபஹீமா ஜஹான்
pointதீபச்செல்வன்
pointஎம்.ரிஷான் ஷெரீப்
pointசெந்தமிழ், சென்னை
pointமு. பழனியப்பன்
pointதேவமைந்தன்
pointஅன்பாதவன்
point பிச்சினிக்காடு இளங்கோ (சிங்கப்பூர்)
pointஸ்ரீமங்கை
pointகருணாகரன்
pointபுதியமாதவி, மும்பை
pointசித்தார்த்
pointநா.முத்து நிலவன்
pointபுகாரி
pointநளாயினி
pointரவி (சுவிஸ்)
pointநிர்வாணி


கவிதைத்தொகுப்பு தொடர்பான உங்களின் விமாசனங்களை பிரசுரிக்க விரும்பினால் அனுப்பிவையுங்கள். அனுப்பவேண்டிய விபரங்கள் உள்ளே
 
© 1998 - 2017 vaarppu.com - a magazine for Tamil poems.   powered by
யாதும் ஊரே யாவரும் கேளிர்